एनएसएलका उपाधिका लागि आज धनगढी र ललितपुर भिड्दै

काठमाडौँ, १४ पुस । नेपाल सुपर लिग (एनएसएल) को उपाधिका लागि आज धनगढी एफसी र ललितपुर सिटी एफसी बीच फाइनल भिडन्त हुनेछ ।

नेपाल सुपर लिगकाे फाइनल खेल आज साँझ दशरथ रङ्गशालामा साँढे ५ बजे सुरु हुनेछ ।

पोखरा थण्डर्सलाई टाईब्रेकरमा ४–३ ले हराउँदै धनगढी फाइनलमा पुगेको हो । पोखरालाई २–१ गोल अन्तरले पराजित गर्दै ललितपुरले धनगढी एफसीसँग उपाधि भिडन्त पक्का गरेको हो।

धनगढी लगातार दोस्रो पटक फाइनल प्रवेश गरेको टिम हो । अघिल्लो संस्करणमा धनगढी काठमाडौँसँग उपाधि भिडन्तमा पराजित भएको थियो ।

उपाधि जित्ने टोलीले ७० लाख रुपैयाँ नगद पुरस्कार प्राप्त गर्नेछ । प्रतियोगिताको उपविजेता टोलीले २० लाख रुपैयाँ नगद पुरस्कार पाउने छ ।