लायन्स क्लब अफ काठमाण्डौ फेलोसिपको शपथ ग्रहणमा पत्रकारसहित दश जना सम्मानित

सिन्धुपाल्चोक, १४ पुस । लायन्स क्लब इन्टरनेशनल डिस्ट्रीक ३२५ एफ अन्तरगत रहेको लायन्स क्लब अफ काठमाण्डौ फेलोसिपको बोर्ड तथा नयाँ सदस्यहरुको शपथ ग्रहण कार्यक्रम शनिबार मेलम्चीमा सम्पन्न गरेकाे छ ।

लायन्स क्लब इन्टरनेशनल डिस्ट्रीक ३२५का सदस्य राजेशदास हिमालयको अध्यक्षतामा क्लबको नवनिवार्चित पदाधिकारीलाई डिस्ट्रीक गर्भनर शिवकुमार कटुवालले शपथ ग्रहण गराउनुभएको हाे ।

कार्यक्रममा नवनिर्वाचित लायन्स क्लब अफ काठमाण्डौ फेलोसिपका अध्यक्ष राजेशदास हिमालयले जाजरकोटमा गएको भुकम्पदेखि सिन्धुपाल्चोकको विभिन्न स्थानमा आफुले गरेका सामाजिक सेवाहरुको प्रस्तुतिकरण गर्नुभएकाे थियाे उहाँले विभिन्न संघ संस्थाहरू संग सहकार्य गर्दै विद्यालयहरुमा विपन्न परीवारको लागि न्यानो कपडा, झोला, स्टेशनरीलगायतका शैक्षिक सामग्री वितरण गर्दै आउनुभएकाे छ ।

कार्यक्रममा नेपालकै सबैभन्दा ठुलो मेगा प्रोजेक्टको रुपमा बन्दै गरेको टियू ब्लड बैँकका प्रमुख रुद्रहरी ज्ञवाली, निवर्तमान गर्भनर डा.राजेन्द्र गिरी, पूर्व गर्भनर मधुकर कुमार उपाध्याय लगायतले शुभकामना मन्तव्य राख्नुभएको थियो ।

कार्यक्रममा लायन्स क्लब अफ मेलम्चीका सदस्य एवंम् मेलम्ची नगपालिकाका मेयर आइतमान तामाङलाई लायन्सको अन्तराष्ट्रिय कोषमा गर्नुभएको सहयोगको सम्मान स्वरुप उहाँलाई मेलविन जोन्स प्लेग बाट सम्मानित गरिएको थियो । उक्त कोषमा उहाँले एक हजार यूएस डलर सहयोग गर्नुभएको थियो ।

कार्यक्रममा अध्यक्ष राजेश हिमालयले नामी साप्ताहिकका श्याम स्मृत, रासस सिन्धुपाल्चाेक सम्वाददाता तथा रेडियाे मेलम्चीका स्टेसन मेनेजर देवराज सुवेदी, राष्ट्रिय न्युजका सागर खड्का, मैत्री न्युजका दिपेन्द्र श्रेष्ठ, इसिएलएफ नेपालका संस्थापक बन्दना एल श्रेष्ठ, इसिएलएफ नेपालका निर्देशक राजाराम महाजुलगाएतलाई सम्मान गर्नुभएकाे थियाे । कार्यक्रम डिस्ट्रीक मार्केटिङ कोअर्डिनेटर भरत प्रसाईले संचालन गर्नुभएको थियो ।