पाल्पा जाँदै गरेको जिप भिमादमा दुर्घटना
काठमाडौं, २५ पुस । पोखराबाट पाल्पा जाँदै गरेको जिप आज बिहान तनहुँको भिमादमा दुर्घटना भएको छ ।
बसलाई साइड दिने क्रममा जिप सडकबाट करिब डेढ सय मिटर तल खसेको प्रहरीले जनाएको छ । प्रहरीले दुर्घटनापछि जिप चालकलाई नियन्त्रणमा लिएको छ ।
चालकका अनुसार जिपमा १०–१२ जना यात्रु थिए । यात्रुहरुको अवस्थाबारे विस्तृत विवरण आउन बाँकी रहेकाे प्रहरीले जनाएकाे छ ।
