राष्ट्रियसभा निर्वाचनका लागि आज उम्मेद्वारको अन्तिम नामावली प्रकाशन गरिदै
काठमाडौं, २७ पुस । राष्ट्रियसभा सदस्य निर्वाचन कार्यतालिका अन्तर्गत आज निर्वाचन आयाेगले उम्मेद्वारको अन्तिम नामावली प्रकाशन गर्दैछन् ।
उमेदवारी फिर्ता लिन चाहने उमेदवारको नाम फिर्ता लिएसँगै आयाेगले उमेदवारको अन्तिम नामावली प्रकाशन गरिने भएकाे हाे ।
अन्तिम नामावली प्रकाशन भएपछि भोलि उम्मेद्वारलाई निर्वाचन चिन्ह प्रदान गरिने निर्वाचन आयोगको कार्यालयले जनाएको छ ।
माघ ११ गते रिक्त १९ राष्ट्रियसभा सदस्य पदका लागि निर्वाचन हुने छ । ५९ सदस्यीय राष्ट्रियसभाका एक तिहाइ सदस्यको कार्यकाल प्रत्येक दुई वर्षमा सकिन्छ ।
