आइसिसी यू-१९ विश्वकप

नेपालले आज पाकिस्तानसँग खेल्दै

काठमाडाैं, १० माघ । आइसिसी यू-१९ विश्वकपमा समूहको दोस्रो खेलमा नेपालले आज पाकिस्तानसँग खेल्दैछ।

खेल दक्षिण अफ्रिकाको इस्ट लन्डनमा नेपाली समय अनुसार दिउँसो पौने दुई बजे सुरु हुनेछ।

पहिलो खेलमा नेपालले न्युजिल्यान्डसँग हार बेहोरेको थियो। पाकिस्तानले भने पहिलो खेलमा अफगानिस्तानलाई पराजित गरेको थियो।

यू-१९ विश्वकपमा नेपाल र पाकिस्तानबीच यो तेस्रो प्रतिस्पर्धा हो। यसअघिका दुई प्रतिस्पर्धामा नेपालले एक खेलमा जित निकालेको थियो।

सन् २००२ को यू-१९ विश्वकपमा नेपालले पाकिस्तानलाई ३० रनले पराजित गरेको थियो। सन् २०१६ को विश्वकपमा भने पाकिस्तानले नेपाललाई १२२ रनको फराकिलो अन्तरले पराजित गरेको थियो।