गायिका मेनुका पौडेलले पाइन् एआई जडित चस्मा, एक्लै हिड्न र पढ्न सक्ने चिकित्सकको दाबी
काठमाडाैं, १५ माघ । इण्डियन आइडलकी प्रतिस्पर्धी नेपाली गायिका मेनुका पौडेलले आर्टिफिसियल इन्टिलिजेन्स (एआई) जडित स्मार्ट भिजन चस्मा पाएकी छन् ।
आइतबार इण्डियन आइडलको एपिसोडमा भारतीय नेत्र चिकित्सक डाक्टर नितिन र रोहनले गायिका मेनुका पौडेललाई एआई जडित विशेष चस्मा दिएकी हुन् । मेनुकालाई चस्मा उपहार दिन चिकित्सक टाेली आइडलको स्टेजमै पुगेका थिए ।
चिकित्सकका अनुसार विशेष प्रकारको त्यो चस्मा लगाएपछि मेनुकाले रियाज गर्न सक्ने, एक्लै हिँडडुल गर्न सक्ने, पढ्न सक्ने र सामुन्ने उभिएको मान्छेलाई चिन्न सक्ने बताएका छन् ।
मेनुकालाई दिएकाे चस्मामा क्यामेरा जडान गरिएको छ । क्यामेराले फोटो खिच्ने र सेन्सरले खिचिएको इमेजबारे विस्तृत चित्र बताउने छ । चस्माको सेन्सरमा एआई जडान गरिएको छ ।
