मार्वलकाे ढुङ्गा बाेकेकाे ट्रक पल्टिँदा एकै परिवारका जुम्ल्याहा दाजुबहिनीसहित तीन जनाको मृत्यु
मोरङ, ११ फागुन । मोरङको बुढीगंगा गाउँपालिकामा मार्वल बाेकेकाे ट्रक पल्टिँदा एकै परिवारका जुम्ल्याहा दाजुबहिनीसहित तीन जनाको मृत्यु भएकाे छ ।
बुढीगंगा ४ प्रगती टोलमा ट्रक पल्टिएर तीन जनाको घटनास्थलमै मृत्यु भएको हो । मृत्यु हुनेमा एकै परिवारको दुई जना जुम्ल्याहा दाजुबहिनी र अर्का एक जना रहेको प्रहरीले जनाएको छ।
प्रहरीका अनुसार बुढीगंगा गाउँपालिका ४ का ६० वर्षीय ज्योती अधिकारीको जुम्ल्याहा चार वर्षीय छोरी इसिता, छोरा निशान्त अधिकारी र सन्जु खवासको ८ वर्षीया छोरी रिहा खवासकाे मृत्यु भएको छ।
उनीहरु सुतिरहेको बेला ट्रक पल्टिएर मार्वलकाे ढुङ्गाले किचेकाे प्रहरीले जनाएको छ । ट्रक पल्टिएर ती अधिकारी र सन्जु खवास घाइते भएका छन् । उनीहरुको अवस्था समान्य रहेको छ ।
