सत्ता गठबन्धन फेरिने संकेतसंगै सेयर बजारमा सकारात्मक सर्किट

काठमाडौं, २१ फागुन । शेयर बजारमा सकारात्मक सर्किट ब्रेक लागेको छ । सत्ता गठबन्धन फेरिने संकेत लगतै शेयर बजारमा सर्किट ब्रेक लागेको हाे ।

अघिल्लो दिनको तुलनामा नेप्से परिसूचक ४ प्रतिशत अर्थात् ७९ अंक बढेपछि बजारमा सर्किट ब्रेक लागेको छ । कारोबार सुरु भएको ३ मिनेटमै बजार ४ प्रतिशत बढेको हो ।

कारोबार सुरु भएको पहिलो १ घण्टाभित्र ४ प्रतिशतले बजार बढेमा वा घटेमा सर्किट ब्रेक लाग्छ । सर्किट ब्रेकपछि २० मिनेटका लागि कारोबार स्थगित भएको छ । कारोबार स्थगित भएको समयदेखि २० मिनेटपछि बजार फेरि खुल्नेछ ।