भिजिट भिसामा यूएई पठाउन लागेका एजेन्ट विमानस्थलबाट पक्राउ
काठमाडौं, २५ फागुन । भिजिट भिसामा यूएई पठाउन लागेका महिलासहित विमानस्थलबाट एजेन्ट पक्राउ परेका छन् ।
विमानस्थलबाट यूएइ जान लागेकाे अवस्थामा ३ जना महिला विमानस्थलबाट पर्काएका छन् भने एजेन्ट पक्राउ परेका छन् ।
त्रिभुवन अन्तर्राष्ट्रिय विमानस्थल सुरक्षा कार्यालयका प्रमुख एसएसपी कृष्णहरि शर्माका अनुसार, सोधपुछपछि शंकास्पद देखिँदा एजेन्टलाई पनि बोलाइएको थियो ।
एजेन्ट रुपन्देहीको रुद्रपुरका भबिलाल थापालाई विमानस्थल प्रहरीले नियन्त्रणमा लिइएको शर्माले जनाए । महिलाहरू बिहीबार राति साढे १० बजे हिमालय एयरलाइन्सबाट यूएइ जान लागेका थिए ।
पक्राउ परेका थापालाई थप अनुसन्धानका लागि उपत्यका अपराध अनुसन्धान कार्यालय पठाइएको एसएसपी शर्माले बताए ।
प्रहरीका अनुसार, भिजिट भिसामा नेपालीलाई विदेश पठाउने गिरोह नै सक्रिय रहेकाे जनााइएकाे छ ।
