भक्तपुरमा स्कुटर कारमा ठोक्किंदा स्कुटर चलककाे मृत्यु
काठमाडौं, १८ वैशाख । भक्तपुरमा स्कुटर कारमा ठोक्किंदा स्कुटर चलकको मृत्यु भएको छ ।
सोमबार दिउँसो सूर्यविनायक नगरपालिका-५ सिर्जनानगरमा काठमाडौं आउँदै गरेको बा ७३प.२८३६ नम्बरको स्कुटरले बागमती प्रदेश ०१-०३०च-०९९५ नम्बरको कारमा ठोक्किएर दुर्घटना भएको थियो ।
दुर्घटनामा घाइते भएका स्कुटर चालक रामेछाम लिखु तामाकोशीका २३ वर्षीय सुजन तामाङको उपचारका क्रममा मृत्यु भएको जिल्ला प्रहरी परिसर भक्तपुरले जनाएकाे छ ।
स्कुटर पछाडि बस्ने सोही ठाउँका २३ वर्षीय राज तामाङ भने घाइते भएका छन् । उनको मध्यपुर थिमि अस्पतालमा उपचार भइरहेको छ ।
