पूर्वराजा ज्ञानेन्द्र शाह पत्नीको जन्मदिन मनाउन चितवनमा-शाहवाट चिन्ता व्यक्त
काठमाडौ। ६७ औं प्रजातन्त्र दिवसको पूर्वसन्ध्यामा विज्ञप्ति जारी गरेर पूर्वराजा ज्ञानेन्द्र शाहले जनताप्रति उत्तरदायी हुन नेताहरुलाई आग्रह गरेका छन्।
शाहले देशको परिस्थितिप्रति चिन्ता व्यक्त गर्दै नेताहरुलाई जनताप्रति उत्तरदायी हुन आग्रह गरेका हुन् । शाहले मुलुकको मौलिक दर्शन, संस्कार र सभ्यताको संरक्षण गर्दै मर्यादित बनाउनु नै राष्ट्रको प्रतिष्ठा भएकोमा जोड दिएका छन्।
यसैवीच शाह पत्नी कोमल शाहको जन्मदिन मनाउन शुक्रबार चितवन पुगेका छन् । अपरान्ह चितवनको भरतपुर बिमानस्थलमा उत्रिएका पूर्वराजा दम्पत्तिलाई समर्थकहरुले स्वागत गरेका छन् ।
दुई दिन चितवनको मेघौलीमा बिताउन आएका पूर्वराजा दम्पतीलाई भरतपुर विमानस्थलमा राजावादीहरुले ‘राजा आउ, देश बचाउ’ लगायतका नारा लगाउँदै ब्यानर टाँगेर स्वागत गरेका थिए ।
पूर्वराजा शनिबारसम्म चितवनमै रहनेछन् । उनका सवारी चालक सुदन थापाले दिएको जानकारी अनुसार आइतवार उनी पुनः बारा र्फकनेछन् । बा ४ च ३८०७ नम्बरको पजेरो गाडी आफैंले चलाएर पूर्वराजा ज्ञानेन्द्र भरतपुर विमानस्थलबाट बाहिरिएका थिए ।
आरामका लागि भरतपुर गार्डेन रिसोर्ट जाने क्रममा उनले चौबीस कोठीमा भेला भएका समर्थकहरुलाई गाडीबाट ओर्लेर अविवादन गरेका थिए ।
त्यहाँ उनले समर्थकको स्वागतका रुपमा फूलमाला ग्रहण गरेका थिए । गार्डेन रिसोर्टमा पनि उनले चितवनका राजनीतिक दलका नेताहरुसँग भेट गरेका छन् ।
प्रकाशन मिति–२०७३ साल फागुन ६ गते शुक्रवार ।
