पार्टी एकता संयोजन समितिको बैठक बालुवाटारमा,बैशाख ९ गते एमाले र माओवादीबीच एकता हुने मिति तय

maitrinews

 

काठमाडौं । नेकपा एमाले र नेकपा माओवादी केन्द्रबीच पार्टी एकता वैशाख ९ गते हुने भएको छ । आज बिहान प्रधानमन्त्री निवास बालुवाटारमा बसेको पार्टी एकता संयोजन समितिको बैठकले पार्टी एकताको मिति तय गरेको हो ।

माओवादी केन्द्रका नेता नारायणकाजी श्रेष्ठका अनुसार पार्टी एकता वैशाख ९ गते हुनेछ भने मिल्न बाँकी केही विषयहरु प्रधानमन्त्री तथा एमाले अध्यक्ष केपी ओलीको भारत भ्रमणपछि थप छलफल गरेर मिलाइनेछ । जनयुद्ध, चुनाव चिन्ह र अनुपातको कुरामा दुई पार्टीबीच सहमति जुट्न सकेको छैन ।

एकताअघि यी विषयमा दुई पार्टीबीच आन्तरिक छलफल जारी राख्ने सहमति पनि भएको छ । एकता संयोजन समितिमा दुवै पार्टीका शीर्ष नेताहरु छन् ।

पार्टी एकताको निर्णय अनुमोदन गर्न एमालेले बैशाख ६ गते पोलिटव्यूरो र ७ गते केन्द्रीय समितिको बैठक तय गरेको छ ।