तातोपानी कुण्डमा प्रचण्ड

Maitrinews

 

म्याग्दी । पूर्वप्रधानमन्त्री एवम् नेपाल कम्युनिष्ट पार्टी नेकपाका अध्यक्ष पुष्पकमल दाहल ‘प्रचण्ड’ सोमबार बिहान म्याग्दीको तातोपानीमा पुगेका छन् । पत्नी सीता दाहालसहित अध्यक्ष प्रचण्ड तातोपानी पुगेका हुन् । पत्नी सीताको उपचारको क्रममा चिकित्सकको सल्लाहमा अध्यक्ष प्रचण्ड परिवारसहित तातोपानी नुहाउन म्याग्दी पुग्नुभएको श्रोतले बताएको छ ।

म्याग्दीको बेनी नगरपालिका–४ मा रहेको प्राकृतिक चिकित्सालयको रुपमा प्रसिद्ध तातोपानी कुण्डमा स्नान गर्दा छाला, नशा, ग्याष्ट्रिक, वाथ लगायत रोगका विरामीलाई फाइदा पुग्ने विश्वास गरिन्छ । सोही विश्वासका कारण मानिसहरु तातोपानीमा नुहाउन आउने गरेको कुण्ड व्यवस्थापन समितिले जनाएको छ ।

अध्यक्ष प्रचण्डसँग पत्नी सीता दाहालसहित, छोरी गंगा दाहाल, स्वकीय सचिव जोखबहादुर महरा ‘प्रताप’ रहेका छन् । उनका साथमा गृहमन्त्री रामबहादुर थापा ‘बादल’ र उनकी जीवन संगिनी नैनकला थापा पनि रहेका छन् ।