कपिलबस्तुमा दुई जना भेटिए, नेपालमा कोरोना संक्रमितको संख्या १ सय १ पुग्यो

Mohan Bastola

काठमाडौँ । नेपालमा कोरोना संक्रमितको संख्या १ सय १ पुगेको छ । कपिलवस्तु जिल्लामा दुई जना कोरोना संक्रमित भेटिएसँगै संक्रमितको संख्या १ सय २ पुगेको हो । राष्ट्रिय जनस्वास्थ्य प्रयोगशाला टेकुमा गरिएको परीक्षणमा कपिलवस्तुका १६ र २२ वर्षका पुरुषमा कोरोना संक्रमण देखिएको हो ।

स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीका अनुसार उनीहरु स्वास्थ्यकर्मीको सम्पर्कमा नै रहेका छन् र अवस्था सामान्य छ ।

कपिलवस्तुमा पहिलो पटक कोरोना संक्रमित भेटिएका हुन् । यसअघि कपिलवस्तुको छिमेकी जिल्ला रुपन्देहीमा एक जनामा कोरोना संक्रमण पुष्टि भएको छ । १९ जना निको भएर घर फर्किसकेका छन् ।