सप्तरीमा बस्ती खाली गर्न भारतीय सुरक्षाकर्मीको धम्की

maitrinews

 

राजविराज । सप्तरीको छिन्नमस्ता गाउँपालिका ३ मनसुकीका बासिन्दालाई भारतीय सुरक्षाकर्मीले बस्ती खाली गर्न धम्की दिएको छ ।
मनसुकी टोलमा ७५ परिवार मुसहर समूदाय चार पुस्तादेखि बसोवास गर्दे आएका छन्। केही समयदेखि बस्ती खाली गर्न भारतीय सुरक्षाकर्मीले पटक पटक दवाब दिँदै आएकोमा यतिबेला जेसिवी लगाएर बस्ती भत्काइदिने धम्की नै दिन थालेको छ । ३ सय मुसहर समूदायको बसोवास रहेको बस्ती नै भत्काइदिने धम्कीका कारण उनीहरुलाई उठिवास हुने चिन्ताले पिरोलेको छ।

भूमिहिन मुसहर समूदायलाई अन्यत्र ओत लाग्ने ठाउँसमेत नरहेको तथा बन्दाबन्दीले अभावग्रस्त दैनिकी चलिरहेको बेला भारतीय सुरक्षाकर्मीले पटक पटक दबाब दिँदै आएकोमा यतिवेला जेसिवी लगाएर बस्ती भत्काइदिने धम्की नै दिन थालेपछि उनीहरु चिन्तित बनेका हुन्। मुसहर समुदायले आफूहरुलाई उठिबास हुनबाट बचाइदिन सम्बन्धित सबै पक्षसँग आग्रह समेत गर्दै आएका छन्।