लामो दूरीका यातायात र शिक्षण संस्था भदौ मसान्तसम्म बन्द

maitrinews

 

काठमाडौँ । सरकारले लामो तथा छोटो दूरीको यातायातका साधन र शिक्षण संस्था भदौ मसान्तसम्म बन्द गर्ने निर्णय गरेको छ। आइतबार राति बसेको मन्त्रिपरिषद् बैठकले सो निर्णय गरको ऊर्जामन्त्री वर्षमान पुनले जानकारी दिनुभयो । यसअघि सरकारले भदौ १५ गतेसम्मका लागि दुरीका यातायात र शिक्षण संस्था बन्द गर्ने निर्णय गरेकोमा कोरोना संक्रमणको जोखिम कायमै रहेकाले अवधि लम्ब्याउने निर्णय गरेको हो ।

यस्तै सरकारले कारोना भाइरस रोकथाम तथा नियन्त्रणका लागि भदौं १५ सम्मका निषेध गरिएकाअन्य विषयलाई पनि मसान्तसम्म लम्बाउने निर्णय गरेको छ । गत साउन ५ गतेको मन्त्रिपरिषद् बैठकले १२० दिन लामो लकडाउन अन्त्य गरे पनि केही क्षेत्र अझै खुलाइएको छैन ।