बेलडागी शरणार्थी शिविरमा आगलागी, एकको मृत्यु

maitrinews

 

झापा । झापाको दमक नगरपालिका ३ बेलडागीस्थित भुटानी शरणार्थी शिविरमा आगलागी भएको छ । आगलागीमा परी एक अशक्त पुरुषको मृत्यु भएको छ । जिल्ला प्रहरी कार्यालयका अनुसार राति ८ बजेतिर अचानक आगलागीमा परेर मृत्यु हुनेमा शिविरको सेक्टर नं डि ४,छाप्रा नं ३२५ बस्ने बर्ष ६० का देशमान राई रहेको प्रहरीले जानकारी दिएको छ ।
पक्षघातका बिरामीसमेत रहेका राइको जलेरै मृत्यु भएको जनाइएको छ । बाँसको टाटीले बारेको टिनको छाना भएको एकतले छाप्रामा बस्दै आएका राईको घटनास्थलमै जलेर मृत्यु भएको प्रहरी प्रवक्ता राकेश थापाले बताए ।