ओलीलाई मनाउँदै गृहमन्त्री खाण

maitrinews

 

काठमाडौं । नेकपा एमालेका अध्यक्ष केपी शर्मा ओलीलाई भेट्न गृहमन्त्री बालकृष्ण खाण बालकोट जानुभएको छ ।

एमसीसीमा सहमति जुटाउने अन्तिम प्रयास भइरहेका बेला गृहमन्त्री खाँड ओलीनिवास बालकोट जानुभएको हो । भेटमा सत्तागठबन्धन र एमसीसीबारे छलफल भएको छ ।

त्यस्तै ८ गते एमाले अध्यक्ष ओलीलाई लक्षित गर्दै एमसीसीविरोधी प्रदर्शनकारीले ढुंगा हानेको विषयमा पनि कुराकानी भएको छ । ओलीले आफूलाई लक्षित गर्दै ढुंगा प्रहार भएपछि गृहमन्त्रीको भूमिका माथि प्रश्न उठाउनुभएको थियो ।

प्रधानमन्त्री देउवा र ओलीबीच हिजो भेटवार्ता भएको थियो । उक्त भेटवार्तालाई अर्थपूर्णरुपमा हेरिएको छ । हिजोको भेटमा देउवालाई ओलीलाई एमसीसीमा सघाउन आग्रह गर्नुभएको थियो । जवाफमा ओलीले पहिले आफूहरुको माग पूरा गर्न भन्नुभएको थियो।

एमालेले आफूहरुले कारबाही गरेका १४ सांसदलाई पदमुक्त गर्न माग गर्दै आएको छ ।