नन्दबक्स गणका गुल्मपति विमल पण्डितकाे अवस्था अझै अज्ञात

काठमाडौं, २० भदाै । डोल्पाको दुनैस्थित नन्दबक्स गणका गुल्मपति विमल पण्डित सम्पर्कविहीन भएकाे ११ दिनसम्म पनि उनको अवस्था अज्ञात नै छ ।

डोल्पाका तिनवटै सुरक्षा निकाय र स्थानीयको संयुक्त टोलीले खोजी गरिरहेपनि फेला पार्न सकेकाे छैन । मेजर पण्डितको खोजीमा तीनवटै सुरक्षा निकायबाट विशेष टोली परिचालित भए पनि हालसम्म फेला पर्न नसकेपछि सुरक्षाकर्मीको संख्या र खोजीको दायरा बढाउने तयारी भइरहेको प्रमुख जिल्ला अधिकारी भूमिश्वर पोख्रेलले बताए।

मेजर पण्डित आफ्नो सुरक्षा गार्ड नलिई गत आइतबार साँझ दुनैस्थित ब्यारेकबाट निस्किएर जिप रिजर्भ गरी त्रिपुराकोटसम्म पुगेको प्रहरीकाे भनाई छ ।

त्यसपछि उनको स्थानीय एक व्यापारीलाई फोनपेमार्फत २६ हजार ट्रान्सफर गरिदिएर उनीसँग नगद लिएर त्यहाँबाट हिँडेको जनाइएको छ । र सोही दिन उनले परिवारसँग फोन सम्पर्क गरेको देखिएको छ। तर त्यसपछि भने उनको मोबाइलको स्वीच अफ रहेको प्रहरीले जनाएको छ ।