काठमाडौं वडा–१६ का अध्यक्ष रिजालको निधन

काठमाडौं, २१ भदौ । काठमाडौं महानगरपालिका–१६ का वडाध्यक्ष मुकुन्द रिजालको निधन भएको छ । उहाँ डेंगु संक्रमितपछि ग्राण्डी अस्पतालमा उपचाररत हुनुहुन्थ्यो । उहाँको आज बिहान निधन भएको महानगर स्रोतले जानकारी दिनुभएको छ ।

उहाँको फोक्सोमा समस्या देखिएपछि भेन्टिलेटरमा राखेर उपचार भइरहेको थियो । नेपाली कांग्रेस क्षेत्रनम्बर ७ का सभापतिसमेत रहनु भएका उहाँ गत स्थानीय तहको निर्वाचनमा दोस्रो पटक विजयी हुनुभएको थियो ।