इजरायलबाट फर्किन नेपाली दूतावासमा दिए थप २०० नेपालीले निवेदन

काठमाडौं, २६ असोज । इजरायलस्थित नेपाली दूतावासमा नेपाल फर्किन चाहने थप २०० जना नेपालीकाे निवेदन दिएका छन् ।

इजरायलस्थित नेपाली दूतावासले विज्ञप्ति जारी गर्दै थप २०० नेपालीले निवेदन दिएको जनाएकाे हाे । दूतावासले घर फर्किन चाहने नेपालीहरूका लागि अनलाइनमार्फत निवेदन मागेको थियो ।

दूतावासले अनलाइनबाट फर्किने नेपालीहरूको विवरण प्राप्त भइराखेको जनाउँदै नेपाल फर्काउने प्रक्रिया सुरु गरिएको बताएकाे छ ।

शुक्रबार बिहानमात्रै इजरायलबाट २५४ जना नेपाली नागरिकलाई पहिलो चरणमा उद्धार गरी नेपाली ल्याइएको छ ।

इजरायलमा प्यालेस्टाइनको लडाकू समूह हमासको आक्रमणमा परी १० जना नेपाली विद्यार्थीको मृत्यु भएको छ । चार जना घाइते भएका छन् भने एक जना सम्पर्कविहीन भएका छन् ।