महोत्तरीबाट हराएका ५ जना किशोरीहरु धनुषाको ढल्केबर फेला परे

जनकपुरधाम, २३ कात्तिक । महोत्तरीबाट गत मंगलबारदेखि वेपत्ता भएका पाँच जना किशोरीहरु आज बिहान धनुषाको ढल्केबरमा फेला परेका छन् ।

फेला परेका किशोरीहरु अहिले इलाका प्रहरी कार्यालय ढल्केबरमा राखिएको छ । उनीहरूलाई देश बाहिर जान लागेका बेला स्थानीयले रोकेर प्रहरीलाई जिम्मा लगाएका हुन् ।

महोत्तरीको औरही नगरपालिका–२ की १६ वर्षीया बसन्ती सदा, १६ वर्षीया प्रतिमा सदा, १८ वर्षीया संगीता सदा, १५ वर्षीया राजन सदा र २० वर्षीया रूवी सदा गत मंगलबारदेखि परिवारका सदस्यहरुको सम्पर्क बाहिर रहेका थिए ।

किशोरीहरुलाई आ आफ्नाे अभिभावक बोलाएर जिम्मा लगाइने प्रहरी निरीक्षक राजकिशोर साहले जानकारी दिनुभयाे ।