बागलुङकाे बडिगाडमा पहिरोले चार घर पुरियाे, एकजनाको मृत्यु

बागलुङ, २२ साउन । बागलुङकाे बडिगाड गाउँपालिका–९ दर्लिङखोलामा पहिरोले एउटा घर पुरिएको छ भने एकजनाको मृत्यु भएको छ । वडा नं–१० दर्लिङमा तीनवटा घर पुरिएका छन् ।

भीमगोठस्थित इलाका प्रहरी कार्यालयका अनुसार पहिरोमा परी १५ वर्षीय विधान परियारको मृत्यु भएको हो । उनको शव परीक्षणका लागि बुर्तिबाङ प्राथमिक स्वास्थ्य केन्द्रमा पठाइएकाे छ ।

बडिगाड गाउँपालिका–१० दर्लिङमा विकट स्थान रहेकाेले घर पुरिएकाे खबर आएकाे तर ती घरमा मानिस भएनभएको यकिन हुन बाँकी रहेको वडा नं ९ का वडाअध्यक्ष कृष्ण बहादुर केसीले बताउनुभयो । पहिरो खसेकास्थानमा प्रहरी पुग्न कठिन भएको जनाएको छ ।