ठूलो आवाजसहित एकाएक ललितपुरमा सडक भासियो

काठमाडौं । ललितपुरको कुपण्डोल–पुल्चोक खण्डमा सडक भासिएको छ। शनिबार दिउँसो कुपण्डोल–पुल्चोक खण्डमा सडक भासिएको हो ।

सडक भासिएपछि पानीको पाइप फुटेर पानी बगेको थियो। ठूलो आवाजसहित सडक भासिएको स्थानीयको भनाई छ। मेलम्ची खानेपानीको पाइपमा लिकेज भएपछि सडकमा भ्वाङ परेको खुलेको छ। चर्को ट्राफिक जाम हुने उक्त सडकखण्डमा सडक भासिएपछि ट्राफिकमा समस्या आएतापनि सडक विभाग र खानेपानीले मर्मत गर्ने कार्य शुभारम्भ गरिसकेको छ।

बर्षायाममा काठमाडौंका सडक यसरी भ्वाङ पर्ने गरेर भासिने गरेको नौलो भने होइन। यसअघि काठमाडौं महानगरपालिकाको केन्द्रिय कार्यालय रहेको कमलादी सडकमा पनि यसरी नै सडक भासिएको थियो।