काठमाडौंबाट पोखरा जाँदै गरेको माइक्राे बस नुवाकोटको शिवपुरीमा दुर्घटना, १२ जना घाइते
काठमाडाैं, १४ असाेज । काठमाडौंबाट पोखराका लागि छुटेकाे माइक्राे बस नुवाकोटको शिवपुरीमा दुर्घटना भएकाे छ ।
नागढुंगा मुनि झ्याप्लेखोलामा पहिरो गएपछि सडक अवरुद्ध भएकाले सोमबार टोखा नुवाकोटको गँगटे हुँदै गल्छी जान लागेको माइक्राे बस शिवपुरीमुनी चापाबोट भन्ने ठाउँमा दुर्घटना भएको हो ।
ग १ ख ४५३५ नम्बरको माइक्राे बस नुवाकोटको शिवपुरी गाउँपालिका-७ चापाबोटस्थित सडकबाट अन्दाजी ३० मिटर तल खसेको जिल्ला प्रहरी कार्यालयका डिएसपी तिलक भारतीले जानकारी दिए।
माइक्राे बस खसेर रूखमा अड्किएको छ भने । दुर्घटनामा घाइते भएका १२ जनालाई काठमाडौंको ग्रिनसिटी अस्पतालमा पठाइएकाे प्रहरीले जनाएकाे छ ।
