विशालबजार भवनको चारतला माथिबाट खसेर मृत्यु

maitrinews

 

काठमाडौँ, १२ माघ । घरको चारतला माथिबाट खसेर आज एक जनाको मृत्यु भएको छ ।

काठमाडौँ महानगरपालिका वडा नं २२ स्थित विशालबजार भवनको चार तलामाथि फलामको पाता राख्ने काम गरिरहेका ५२ वर्षीय रमेशराज शाक्यको दिउँसो खसेर मृत्यु भएको हो ।

घरबाट खसेर गम्भीर घाइते भएका उनलाई उपचारका लागि वीर अस्पताल लाँदै गर्दा बीच बाटैमा मृत्यु भएको प्रहरीले जनाएको छ ।