सिराहामा छोराद्वारा बाबुको कुटपिट गरी हत्या

सिराहा, ९ असोज । सिरहाकाे औरही गाउँपालिका–३ खजनपुरमा छोराले कुटपिट गरेर बाबुकाे हत्या गरेका छन् ।

आफ्नै बाबुको हत्या गरेकाे अभियोगमा छाेरा शैलेन्द्रकुमार यादवलाई प्रहरीले पक्राउ गरेकाे हाे ।

छोरा शैलेन्द्र र उनकी श्रीमती ३५ वर्षीया रेणुकुमारी यादवले घरायसी विवादका क्रममा ६५ वर्षीय पिता भालेश्वर यादवलाई निर्घात कुटपिट गरेकाे जिल्ला प्रहरी कार्यालयका सूचना अधिकारी मुक्तिनाथ सापकोटाले जानकारी दिनुभयो ।

गम्भीर घाइते भालेश्वरको उपचारार्थ विराटनगरतर्फ लैजाने क्रममा बाटोमा मृत्यु भएको प्रहरीले जनाएकाे छ । निजमाथि कुटपिट गरी हत्या गरेको अभियोग प्रहरीले शैलेन्द्रलाई पक्राउ गरी अनुसन्धान अघि बढाएकाे प्रहरीले जनाएकाे छ ।