बाढी पहिरोमा परी मृत्यु हुनेकाे संख्या १०० पुग्याे, ६७ जना अझै बेपत्ता
काठमाडौँ, १३ असोज । बाढी, पहिरो र डुबानमा परी मृत्यु हुनेकाे संख्या १०० पुगेकाे छ भने ६७ जना अझै बेपत्ता भएका छन् ।
बाढी, पहिरो र डुबानलगाएतका विपद्मा परी एक सय एकजना घाइते भएकाे गृह मन्त्रालयले जनाएकाे हाे ।
बाढी पहिरोमा परी ललितपुरमा २०, धादिङमा १५, काठमाडौँमा १२, काभ्रेमा १०, मकवानपुर सात, सिन्धुपाल्चोकमा छ, सोलुखुम्बु पाँच, पाँचथर पाँच, भक्तपुर पाँच जनाले ज्यान गुमाएका छन् ।
गृह मन्त्रालयका प्रवक्ता ऋषिराम तिवारीका अनुसार दोलखामा तीन, सिन्धुलीमा दुई, धनकुटामा दुई, महोत्तरीमा दुई, रामेछापमा एक, झापामा एक, उदयपुरमा एक, इलाममा एक, सप्तरीमा एक र नुवाकोटमा एक जनाको मृत्यु भएको छ ।
बाढीपहिरो प्रभावित क्षेत्रमा खोजी र उद्धारका लागि नौ हजार नौ सय ८३ सुरक्षाकर्मी परिचालन गरिएका तथा हालसम्म तीन हजार ३९ जनाको उद्धार गरिएको प्रवक्ता तिवारीले बताउनुभयो ।
