दसैँकाे मुख्यदिन सकिनासाथ बढ्यो पेट्रोल र डिजेलको मूल्य
काठमाडौं, २९ असाेज । नेपाल आयाल निगमले दसैँकाे मुख्यदिन सकिनासाथ पेट्रोलियम पदार्थको मूल्य बढाएको छ।
निगमले मंगलबार मध्यरातबाट लागू हुने गरी पेट्रोल, डिजेल र मट्टितेलको मूल्य बढाउने निर्णय गरेको हो ।
भारतीय आयल कर्पोरेसन (आइओसी) ले पठाएको मूल्यसूची अनुसार निगमले नयाँ भाउ तोकेको हो।
निगमका अनुसार पेट्रोलको प्रतिलिटर मूल्यमा १ रुपैयाँ र डिजेल र मट्टितेलको प्रतिलिटर मूल्यमा ४ रुपैयाँ बढाइएको छ । हवाई इन्धन र एलपी ग्यासको मूल्य भने यथावत रहेकाे निगमले जनाएकाे छ ।
