त्रिशूली नदीमा खस्यो ट्रक, चालकसहित प्रहरीले गर्याे तीनजनाकाे उद्धार

काठमाडौं, ४ मङ्सिर । पृथ्वी राजमार्गअन्तर्गत धादिङको बेनीघाट रोराङ गाउँपालिका १० खयरघारीबाट एउटा ट्रक त्रिशूली नदीमा खसेको छ ।

नवलपरासीबाट काठमाडौंतर्फ आउँदै गरेको लु २ ख २५० नम्बरको ट्रक मंगलबार बिहान त्रिशूली नदीमा खसेको हाे ।

जिल्ला प्रहरी कार्यालय धादिङका अनुसार दुर्घटनास्थलबाट प्रहरीले चालकसहित तीन जनाकाे उद्धार
गरेकाे छ । प्रहरीले नवलपरासी पश्चिमका २७ वर्षीय ट्रक चालक आशिष महतो, सहचालक २६ वर्षीय राजु थापामगर र ट्रक धनी खैरहनी नगरपालिका ४६ वर्षीय सुरेश गुरुङलाई उद्धार गरेकाे छ ।

प्रहरीका अनुसार ट्रक आफैँ अनियन्त्रित भई दुर्घटना भएको प्रारम्भिक अनुसन्धानले देखाएको छ ।