साबेल प्रहार गरी मकवानपुरमा एक मजदुरकाे हत्या

हेटौंडा, १३ मङ्सिर । मकवानपुरमा साबेल प्रहार गरी एक जना पुरुषको हत्या गरेका छन् । मकवानपुरको मनहरी गाउँपालिका- ६ मा भएको ५० वर्षीय पुरुषको साबेल प्रहार गरी हत्या भएको हो ।

मनहरी क्षेत्रमा मजदुरी काम गर्ने ५० वर्षका जीतबहादुर मोक्तानलाई सँगै मजदुरी गर्ने ३४ वर्षीयअम्बरबहादुर लोप्चनले सुतिरहेको बेला साबेल प्रहार गरी हत्या गरेको मकवानपुर प्रहरीले जनाएको छ ।

साबेल प्रहारबाट गम्भीर घाइते भएका मोक्तानलाई उपचारको लागि भरतपुर लगिए पनि अस्पतालका डाक्टरले मृत घोषण गरेको प्रहरीले जनाएकाे छ ।

हत्या आरोपी लोप्चनलाई प्रहरीले पक्राउ गरी अनुसन्धान गरिरहेकाे जनाएकाे छ ।