विभिन्न देश पठाइदिन्छु भन्दै ठगेको अभियोगमा तीन जना पक्राउ

काठमाडौँ, ८ माघ । वैदेशिक रोजगारीमा विभिन्न देश पठाइदिन्छु भन्दै रु ३१ लाख ठगी गरेको अभियोगमा तीन जनालाई काठमाडौँ उपत्यकाका विभिन्न स्थानबाट पक्राउ गरिएको छ ।

बाग्लुङ ताराखोला गाउँपालिका–३ का तिलकबहादुर कार्की, प्युठान नौबहिनी गाउँपालिका–६ का हरिबहादुर बिष्ट र स्याङ्जा गल्याङ नगरपालिका–८ की जमुना परियारलाई काठमाडौँ उपत्यका अपराध अनुसन्धान कार्यालयबाट गएकाे टोलीले सोमबार अपाह्न पक्राउ गरेको हो ।

अभियुक्त परियारले रु २८ लाख, कार्कीले रु एक लाख र बिष्टले रु दुई लाख ठगेको केन्द्रीय प्रहरीले जनाएको छ । उनीहरूलाई थप कारबाहीको लागि वैदेशिक रोजगार विभाग पठाइएको छ ।