काठमाडाैं, २६ भदाै । काठमाडाैं उपत्यकाका वाणिज्य बैंकहरूले आज दिउँसो २ बजेसम्म बैंक खोलेर सेवा दिने भएका छन्।

भदौ २३ र २४ गतेको अन्दोलनपछि मुलुकभर अवस्था सामान्यिकरण हुन नसकिरहेकोले पनि दिउँसो दुई बजेसम्म सीमित स्थानबाट सेवा दिने भएको हो।

बैंकहरूलाई काठमाडौंमा तीन वटा, भक्तपूर र ललितपूरमा दुई/दुई वटा शाखा खोल्न नेपाल बैंकर्स एशोसिएशनले परिपत्र गरेको छ।

राष्ट्र बैंकले पनि बैंकहरूलाई अत्यावश्यक सेवा खुला गर्न निर्देशन दिएको छ।

राष्ट्र बैंकले सीमित कर्मचारीबाट आफ्ना सीमित संवेदनशील प्रणाली सञ्चालन गरि अत्यावश्यक बैंकिङ तथा डिजिटल भुक्तानी सेवा सुचारु गर्न निर्देशन दिएकाे छ ।

वित्त कम्पनीहरूले भने अवस्था हेरेर साँझ पाँच बजेसम्म बैंकिङ कार्यालय खुला रहने बताएका छन्।