एमाले महाधिवेशन: मंसिर १३ गते देशभर एकैपटक प्रतिनिधि चयन हुने

उहाँका अनुसार प्रत्येक १२ सय पार्टी सदस्य बराबर एक जना महाधिवेशन प्रतिनिधि छानिनेछन् । प्रतिनिधि चयनमा एक तिहाइ महिला प्रतिनिधि अनिवार्य गरिनुका साथै ४० वर्षभन्दा मुनिका युवाका लागि पनि आरक्षण छुट्याइएको छ ।

प्रत्येक संघीय निर्वाचन क्षेत्रबाट कम्तीमा एक जना युवा प्रतिनिधि अनिवार्य गरिने उपमहासचिव ज्ञवालीले बताउनुभयाे । एमालेको ११ औं महाधिवेशन काठमाडौंमा मंसिर २७ देखि २९ गतेसम्म हुनेछ । यस महाधिवेशनमा करिब २१०० प्रतिनिधि सहभागी हुनेछन् । उपमहासचिव ज्ञवालीका अनुसार पार्टीका ६ लाख ६७ हजार ६३० संगठित सदस्यहरूमध्येबाट प्रतिनिधि चुनिनेछन् ।

प्रतिनिधि चयनको मापदण्ड र अनुपात:

• महाधिवेशन मिति: मंसिर २७–२९ (काठमाडौं)

• प्रतिनिधि चयन: मंसिर १३ गते

• विवरण बुझाउने समयसीमा: मंसिर १५ गतेभित्र

प्रतिनिधि संख्याको अनुमानित वितरण:

• प्रतिनिधिसभा निर्वाचन क्षेत्र: प्रति १२०० सदस्यबाट २ खुल्ला, १ महिला, त्यसपछि १ युवा (४० वर्ष मुनि) । त्यसपछि प्रति ८०० सदस्यबाट १ प्रतिनिधि (महिला) । दोस्रो र तेस्रो खुल्ला, चौथो महिला ।

• दलित: प्रति ५०० सदस्यबाट १ प्रतिनिधि ।

• ट्रेड युनियन: प्रदेशबाट २ र ५ गरी ७ जना प्रतिनिधि ।

• जनसङ्गठन: ५ जना, महासङ्घबाट ७ जना ।

• प्रदेश कमिटी: ३:२ (३ खुल्ला, २ महिला) ।

• विभाग र कार्यालय: १/१ जना ।

• प्रवास: महादेश अनुसार ५ जना (३ खुल्ला, २ महिला) ।

पदेन प्रतिनिधि:

• केन्द्रीय कमिटी: ३५४ जना

• अनुशासन आयोग: २९ जना

• लेखा आयोग: ३० जना

• निर्वाचन आयोग: २५ जना

• सल्लाहकार परिषद्: २५ जना

• जम्मा पदेन प्रतिनिधि: ४६४ जना

६,६७,६३० सदस्यमध्येबाट चुनिएका प्रतिनिधिहरूको अनुमानित संख्या:

• प्रदेशबाट: ४५ जना

• प्रतिनिधिसभा निर्वाचन क्षेत्रबाट: करिब ९७० जना

• विशेष जिल्लाबाट: ४७ जना

• दलित कोटाबाट: ८१ जना

• ट्रेड युनियनबाट: ४९ जना

• प्रवासबाट: ३० जना

• केन्द्रीय विभाग र कार्यालयबाट: ३३ जना

• जनसङ्गठनबाट: १२७ जना

जम्मा अनुमानित प्रतिनिधि: १८५६ जना, जसमा ५ प्रतिशत मनोनयन गरी कुल २१०० जना प्रतिनिधि महाधिवेशनमा सहभागी हुनेछन् ।