काठमाडौँ

हाल नेपालमा पश्चिमी न्यून चापीय प्रणालीका साथै मनसुनी वायुको आंशिक प्रभाव कायमै रहेको जल तथा मौसम विज्ञान विभागले जनाएको छ। मौसम प्रणालीका कारण देशका हिमाली भूभागमा साधारणतया बादल लागेको छ भने बाँकी भूभागमा आंशिक बदलीको अवस्था छ।

मौसम पूर्वानुमान महाशाखाका अनुसार आज दिउँसो र राति पहाडी तथा हिमाली क्षेत्रमा मेघगर्जन, चट्याङसहित वर्षा र उच्च हिमाली भागमा हिमपातको सम्भावना रहेको छ।

मौसमको स्थिति र सम्भावित प्रभाव (असोज २५):

सतर्कता अपनाउन मौसमविद्को आग्रह

हिमाली क्षेत्रमा हल्का हिमपात र पहाडी भागमा मेघगर्जनसहित वर्षाको सम्भावना रहेकाले यात्रा गर्दा तथा दैनिक जनजीवनमा सतर्कता अपनाउन मौसम पूर्वानुमान महाशाखाले अनुरोध गरेको छ। साथै तराईका जिल्लाहरूमा बिहानपख हुस्सु लाग्न सक्ने भएकाले सवारी साधन सञ्चालनमा विशेष सावधानी अपनाउन सुझाइएको छ।