काठमाडौँका यी स्थानमा आज बिजुली काटिने
काठमाडौं, ११ मङ्सिर ।आज नेपाल विद्युत् प्राधिकरणले काठमाडौँको लाजिम्पाट, पानीपोखरी, बालुवाटारलगायत क्षेत्रमा केवल लाइन विस्तारका लागि बिजुली काटिने भएकाे छ ।
प्राधिकरणले एक सूचना जारी गर्दै महाराजगञ्ज वितरण केन्द्रको लाजिम्पाट फिडरअन्तगर्तका क्षेत्रमा आज बिहान ११ बजेदेखि दिउँसो ३ बजेसम्म बिजुली काटिने जनाएको हो ।
प्राधिकरणले तोकिएको कार्य निर्धारित समय अगावै सम्पन्न भएमा सो समयभन्दा अगावै विद्युत् आपूर्ति नियमित सञ्चालनमा आउनसक्ने जनाएको छ ।
