एमाले नेताहरूको कार्यविभाजन प्रस्ताव तयार: कसलाई कुन विभाग? (सूचीसहित)

काठमाडौँ, ७ जेठ । नेकपा (एमाले) ले पार्टीका नेताहरूको कार्यविभाजनको खाका तयार पारेको छ । एघारौँ महाधिवेशनपछि नेताहरूलाई विभिन्न विभाग र फाँटको जिम्मेवारी सुम्पिने गरी तयार पारिएको प्रस्तावलाई भोलि (शुक्रबार) बस्ने केन्द्रीय सचिवालय बैठकले अन्तिम टुङ्गो लगाउनेछ ।

पार्टी सचिव पद्मा अर्यालका अनुसार विभाग प्रमुख, इन्चार्ज तथा विभिन्न संयन्त्रको जिम्मेवारी बाँडफाँटका लागि गृहकार्य सकिएको छ । प्रस्तावित कार्यविभाजनमा प्रभावशाली नेताहरूलाई महत्त्वपूर्ण विभागको कमान्ड दिइएको छ ।

प्रस्तावअनुसार प्रदीप ज्ञवालीलाई विदेश मामिला, भानुभक्त ढकाललाई सङ्गठन विभाग र पद्मा अर्याललाई संसदीय मामिला विभागको जिम्मेवारी दिइएको छ । यस्तै, डा. सूर्य पाठकलाई प्रचार विभाग र शेरबहादुर तामाङलाई पार्टी स्कुल विभागको जिम्मेवारी दिने प्रस्ताव गरिएको छ ।
त्यसैगरी, गोकुल बास्कोटालाई भूमि व्यवस्था, रामकुमारी झाँक्रीलाई सहरी विकास र ठाकुर गैरेलाई खानेपानी तथा सरसफाइ विभाग प्रमुखको जिम्मेवारी दिइएको छ ।

एमाले नेताहरूको प्रस्तावित कार्यविभाजनको पूर्ण सूची:
प्रदीप ज्ञवाली: विदेश मामिला विभाग प्रमुख
पद्मा अर्याल: संसदीय मामिला विभाग प्रमुख
हिक्मत कार्की: राष्ट्रिय हित संरक्षण विभाग प्रमुख
भानुभक्त ढकाल: सङ्गठन विभाग प्रमुख
डा. सूर्य पाठक: प्रचार तथा प्रकाशन विभाग प्रमुख
शेरबहादुर तामाङ: पार्टी स्कुल विभाग प्रमुख
आनन्द पोखरेल: पर्यटन तथा नागरिक उड्डयन विभाग प्रमुख
इन्द्र भण्डारी: पार्टी सम्बद्ध प्रतिष्ठान इन्चार्ज
कल्पना चापागाईं: समाज कल्याण तथा समाजसेवा विभाग प्रमुख
कर्ण थापा: उद्योग, वाणिज्य तथा आपूर्ति विभाग प्रमुख
क्रान्ति बुर्लाकोटी: युवा तथा खेलकुद विभाग प्रमुख
गणेश ठगुन्ना: सङ्घीय मामिला तथा सामान्य प्रशासन विभाग प्रमुख
खेम लोहनी: सहकारी तथा गरिबी निवारण विभाग प्रमुख
विन्दा पाण्डे: श्रम तथा रोजगार विभाग प्रमुख
गोकुल बास्कोटा: भूमि व्यवस्था विभाग प्रमुख
घनश्याम पाण्डे: प्रवासी नेपाली मञ्च, युरोप इन्चार्ज
जितु गौतम: उपभोक्ता हित तथा सुशासन विभाग प्रमुख
ज्वाला साह: कृषि तथा पशुपन्छी विकास विभाग प्रमुख
ठाकुर गैरे: खानेपानी तथा सरसफाइ विभाग प्रमुख
देवेन्द्र दाहाल: भौतिक पूर्वाधार तथा यातायात व्यवस्था विभाग प्रमुख
निरज आचार्य: निर्वाचन आयोग प्रमुख
निरुदेवी पाल: अध्यक्ष केपी शर्मा ओली / नेसनल भोलेन्टियर फोर्स इन्चार्ज
बिनाकुमार श्रेष्ठ: पुस्तकालय तथा अभिलेख विभाग प्रमुख
भारती पाठक: वन तथा वातावरण विभाग प्रमुख
डा. भीष्म अधिकारी: वित्त तथा कोष व्यवस्थापन विभाग प्रमुख
रचना खड्का: विज्ञान तथा प्रविधि विभाग प्रमुख
राजेन्द्र गौतम: स्थानीय विकास विभाग प्रमुख
रमेश बडाल: कानुन विभाग प्रमुख
रामकुमारी झाँक्री: सहरी विकास विभाग प्रमुख
विशाल भट्टराई: जनसङ्गठन समन्वय संयन्त्र प्रमुख
सुशीला नेपाल: सामाजिक सेवा विभाग
हेमराज राई: साहित्य तथा कला संस्कृति विभाग प्रमुख
पार्वती रावल: शिक्षा तथा मानवस्रोत विभाग प्रमुख
भोलिको सचिवालय बैठकले यस सूचीमा आवश्यक परिमार्जनसहित आधिकारिक निर्णय गर्नेछ । कार्यविभाजनसँगै एमालेले आगामी कार्ययोजनालाई थप प्रभावकारी रूपमा अघि बढाउने लक्ष्य राखेको छ ।