राष्ट्रिय बालअधिकार सम्मान अधिकारकर्मी उद्धवराज पौड्याललाई

काठमाडौं, १० असाेज । राष्ट्रिय बालअधिकार सम्मानबाट बालअधिकारका क्षेत्रमा कार्यरत अधिकारकर्मी उद्धवराज पौड्याल सम्मानित भएका छन् ।

विगत ३२ वर्षदेखि बालअधिकार र श्रमिक बालबालिकाका क्षेत्रमा निरन्तर लागिरहेका पौड्याललाई राष्ट्रिय बालअधिकार सम्मान २०७९ बाट सम्मान गरिएकाे हाे ।

पौड्याललाई बूढानीलकण्ठ नगरपालिकाका नगरप्रमुख मिठाराम अधिकारीले बालअधिकारमा क्षेत्रमा कार्यरत संस्था चाइल्ड नेपालको १८ औं साधारणसभा तथा शुभकामना आदान प्रदान समारोहको अवसरमा सम्मान गरेका थिए ।

सम्मान ग्रहण पश्चात पौड्यालले बालबलिका प्रति आफ्नो दायित्व अझ बढी थपिएको र आगामी दिनमा स्थानीय र प्रदेश तहमा बालश्रमिक सम्बन्धी नीति निर्माणमा योगदान गर्ने बताए

सम्मान कार्यक्रममा चाइल्ड नेपालका निर्देशक माेहन दँगालले बालअधिकारका क्षेत्रमा वहाँले पुर्याउनु भएकाे योगदानकाे कदर गर्दै सम्मान अर्पण गरेको र आगामी वर्षहरूमा पनि सम्मान कार्यक्रमलाइ निरन्तरता दिने बताउनु भयाे ।

यसअघि यो यस सम्मानबाट बालअधिकारकर्मी गौरी प्रधान, अगाथा थापा, विनय कसजू, नुपूर भट्टअचार्य सम्मानित भएका थिए ।