अमेरिकाकाे भ्रमण सकेर स्वदेश फर्किनुभयाे प्रधानमन्त्री ओली
काठमाडौं, १४ असाेज । प्रधानमन्त्री केपी शर्मा ओली अमेरिकामा भएकाे संयुक्त राष्ट्रसंघ महासभाको ७९औँ महासभामा भाग लिएर स्वदेश फर्किनुभएकाे छ ।
असोज ४ गते महासभामा भाग लिन न्यूयोर्क प्रस्थान गर्नुभएका प्रधानमन्त्री ओली साेमबार सवा ४ बजे त्रिभुवन अन्तर्राष्ट्रिय विमानस्थलमा अबतरण गर्नुभएकाे हाे ।
प्रधानमन्त्री ओलीको स्वागतका लागि सभामुख देवराज घिमिरे, राष्ट्रियसभा अध्यक्ष नारायण दाहाल, उपप्रधानमन्त्रीद्वय प्रकाशमान सिंह र विष्णु पौडेललगायत विमानस्थल पुग्नुभएकाे थियाे ।
प्रधानमन्त्री ओलीले असोज १० गते संयुक्त राष्ट्रसङ्घको महासभालाई सम्बोधन गर्नुभएकाे थियाे ।
तस्बिरः रत्न श्रेष्ठ÷रासस
