काठमाडौँ, १७ जेठ । विगत केही दिनदेखि लगातार उतारचढाव भइरहेको सुनको मूल्य आज (बुधबार) स्थिर रहेको छ भने चाँदीको मूल्यमा सामान्य गिरावट आएको छ।

नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला रु. ३ लाख ११ हजार ३०० कायम भएको छ। मङ्गलबार पनि नेपाली बजारमा सुन सोही मूल्यमा कारोबार भएको थियो।

यसैगरी, आज चाँदीको मूल्यमा भने केही गिरावट आएको छ। महासङ्घका अनुसार आज चाँदी प्रतितोला रु. ५ हजार ३७० मा खरिदबिक्री भइरहेको छ। हिजो चाँदी प्रतितोला रु. ५ हजार ४०५ मा कारोबार भएको थियो। अघिल्लो दिनको तुलनामा आज चाँदीको मूल्य तोलामा रु. ३५ ले घटेको हो।

अन्तर्राष्ट्रिय बजारको तथ्याङ्क अनुसार आज अन्तर्राष्ट्रिय बजारमा सुन प्रतिऔँस ४ हजार ४८७ अमेरिकी डलर र चाँदी प्रतिऔँस ७५ अमेरिकी डलरमा कारोबार भइरहेको महासङ्घले जनाएको छ।