विदेशी मुद्राको विनिमयदर यस्तो छ, मूल्यमा सामान्य उतारचढाव

काठमाडौँ, २४ साउन । नेपाल राष्ट्र बैंकले साताको पहिलो दिन आइतबारका लागि विदेशी मुद्राको विनिमयदर सार्वजनिक गरेको छ। राष्ट्र बैंकका अनुसार आज अमेरिकी डलर, युरो र पाउन्ड स्ट्रलिङसहितका प्रमुख विदेशी मुद्राहरूको मूल्यमा सामान्य उतारचढाव देखिएको छ।

राष्ट्र बैंकका अनुसार आज अमेरिकी डलर एकको खरिददर १५२ रुपैयाँ ०४ पैसा र बिक्रीदर १५२ रुपैयाँ ६४ पैसा निर्धारण गरिएको छ। यस्तै, युरोपियन युरो एकको खरिददर १७५ रुपैयाँ २७ पैसा र बिक्रीदर १७५ रुपैयाँ ९६ पैसा कायम भएको छ। युके पाउन्ड स्ट्रलिङ एकको खरिददर २०४ रुपैयाँ ३६ पैसा र बिक्रीदर २०५ रुपैयाँ १६ पैसा रहेको छ।

वैदेशिक रोजगारीका लागि प्रमुख गन्तव्य रहेका मुलुकका मुद्राहरूको विनिमयदर निम्न अनुसार छ:
साउदी रियाल: खरिद ४० रुपैयाँ ५० पैसा, बिक्री ४० रुपैयाँ ६६ पैसा।
कतार रियाल: खरिद ४१ रुपैयाँ ७२ पैसा, बिक्री ४१ रुपैयाँ ८९ पैसा।
युएई दिराम: खरिद ४१ रुपैयाँ ४० पैसा, बिक्री ४१ रुपैयाँ ५६ पैसा।
मलेसियन रिङ्गेट: खरिद ३७ रुपैयाँ १६ पैसा, बिक्री ३७ रुपैयाँ ३१ पैसा।
कुवेती दिनार: खरिद ४९५ रुपैयाँ ०८ पैसा, बिक्री ४९७ रुपैयाँ ०४ पैसा।

अन्य प्रमुख मुद्राहरू:
अष्ट्रेलियन डलर: खरिद १०७ रुपैयाँ ०४ पैसा, बिक्री १०७ रुपैयाँ ४६ पैसा।
जापानी येन (१०): खरिद ९ रुपैयाँ ६० पैसा, बिक्री ९ रुपैयाँ ६४ पैसा।
चिनियाँ युआन: खरिद २२ रुपैयाँ ५३ पैसा, बिक्री २२ रुपैयाँ ६२ पैसा।
भारतीय रुपैयाँ (१००): खरिद १६० रुपैयाँ, बिक्री १६० रुपैयाँ १५ पैसा।

नेपाल राष्ट्र बैंकले तोकेको यो दरलाई आवश्यकतानुसार जुनसुकै समयमा पनि संशोधन गर्न सकिने जनाएको छ। वाणिज्य बैंकहरूले तोक्ने विनिमयदर भने राष्ट्र बैंकको दरभन्दा केही फरक हुन सक्नेछ।