इस्लामाबाद/श्रीनगर, २४ वैशाख । भारत र पाकिस्तानबीच तनाव पुनः चर्किएको छ। पाकिस्तानी सैनिक प्रवक्ताका अनुसार, भारतले पाकिस्तानी भूमिमा गरेको मिसाइल आक्रमणमा परी मृत्यु हुनेको संख्या आठ पुगेको छ। भारतले बुधबार पाकिस्तानी भूभागमा मिसाइल प्रहार गरेपछि इस्लामाबादले ‘यसको हिसाब बराबर गर्ने’ (settle the score) चेतावनी दिएको छ।

पाकिस्तानी सैनिक प्रवक्ताले मे ७ मा एक विज्ञप्ति जारी गर्दै भारतीय आक्रमणबाट भएको मानवीय क्षतिबारे जानकारी दिएका हुन्। भारतले के कति मिसाइल प्रहार गर्‍यो र कहाँ निशाना बनायो भन्नेबारे विस्तृत विवरण आउन बाँकी छ, तर यस घटनाले दुई आणविक शक्ति सम्पन्न छिमेकीबीच तनाव थप बढाएको छ।

यसैबीच, भारत प्रशासित कश्मीरको मुख्य शहर श्रीनगर नजिकै वुयान क्षेत्रमा बुधबार ठूलो विस्फोटको आवाज सुनिएको थियो। विस्फोटपछि भारतीय सैनिकहरू उक्त क्षेत्रको सडकमा गस्ती गरिरहेका देखिएका थिए। विस्फोटको कारण र त्यसबाट भएको क्षतिबारे तत्काल विस्तृत जानकारी प्राप्त भइसकेको छैन।

यो घटनाक्रमले दक्षिण एसियाली क्षेत्रमा पुनः अशान्तिको बादल मडारिएको संकेत गरेको छ। दुवै देशले संयमता अपनाउनुपर्नेमा अन्तर्राष्ट्रिय समुदायले जोड दिँदै आएको छ।