विदेशी मुद्राको विनिमय दर यस्ताे छ : अमेरिकी डलर १५० रुपैयाँ नाघ्यो

काठमाडौँ, ८ चैत । नेपाल राष्ट्र बैंकले आइतबारका लागि विदेशी मुद्राको विनिमय दर सार्वजनिक गरेको छ। केन्द्रीय बैंकले निर्धारण गरेको नयाँ विनिमय दरअनुसार आज अमेरिकी डलरको भाउमा उच्च वृद्धि भई बिक्रीदरले १५० रुपैयाँको ऐतिहासिक विन्दु पार गरेको छ।

राष्ट्र बैंकका अनुसार आज अमेरिकी डलर १ को खरिददर १४९ रुपैयाँ ६४ पैसा र बिक्रीदर १५० रुपैयाँ २४ पैसा तोकिएको छ। त्यस्तै, युरोपियन युरो १ को खरिददर १७३ रुपैयाँ १२ पैसा र बिक्रीदर १७३ रुपैयाँ ८१ पैसा कायम भएको छ।

यसैगरी, युके पाउण्ड स्ट्रलिङ १ को खरिददर २०० रुपैयाँ ३८ पैसा र बिक्रीदर २०१ रुपैयाँ १९ पैसा पुगेको छ भने स्वीस फ्रयाङ्क १ को खरिददर १९० रुपैयाँ ०१ पैसा र बिक्रीदर १९० रुपैयाँ ७७ पैसा रहेको छ।

वैदेशिक रोजगारीका प्रमुख गन्तव्य मानिने मुलुकहरूको मुद्राको भाउ यस प्रकार छ:
साउदी रियाल १: खरिददर ३९.८५ र बिक्रीदर ४०.०१ रुपैयाँ
कतारी रियाल १: खरिददर ४०.९४ र बिक्रीदर ४१.११ रुपैयाँ
युएई दिराम १: खरिददर ४०.७४ र बिक्रीदर ४०.९१ रुपैयाँ
मलेसियन रिङ्गेट १: खरिददर ३७.९८ र बिक्रीदर ३८.१४ रुपैयाँ
कुवेती दिनार १: खरिददर ४८८.०६ र बिक्रीदर ४९०.०२ रुपैयाँ
बहराइन दिनार १: खरिददर ३९६.३४ र बिक्रीदर ३९७.९३ रुपैयाँ
त्यस्तै, जापानी येन १० को खरिददर ९ रुपैयाँ ४३ पैसा र बिक्रीदर ९ रुपैयाँ ४७ पैसा कायम हुँदा चिनियाँ युआन १ को खरिददर २१ रुपैयाँ ७३ पैसा र बिक्रीदर २१ रुपैयाँ ८२ पैसा पुगेको छ। दक्षिण कोरियन वन १०० को खरिददर ९ रुपैयाँ ९९ पैसा र बिक्रीदर १० रुपैयाँ ०३ पैसा रहेको छ।

अष्ट्रेलियन डलर १ को खरिददर १०५ रुपैयाँ ८९ पैसा र बिक्रीदर १०६ रुपैयाँ ३१ पैसा, क्यानेडियन डलर १ को खरिददर १०९ रुपैयाँ ०४ पैसा र बिक्रीदर १०९ रुपैयाँ ४८ पैसा तथा सिङ्गापुर डलर १ को खरिददर ११७ रुपैयाँ ०१ पैसा र बिक्रीदर ११७ रुपैयाँ ४८ पैसा निर्धारण गरिएको छ। छिमेकी मुुलुक भारतीय रुपैयाँ १०० को खरिददर १६० रुपैयाँ र बिक्रीदर १६० रुपैयाँ १५ पैसा यथावत छ।