भारतमा फेरि बाढी, बिहार र उत्तर प्रदेशमा १०० जनाभन्दा बढीको मृत्यु

पटना । पटनाका अधिकांश आवासीय क्षेत्रहरू डुबानमा परेका छन्
ठूलो वर्षा भएपछि बाढीका कारण भारतका उत्तर प्रदेश र बिहार राज्यमा १०० जनाभन्दा बढी मानिसको मृत्यु भएको अधिकारीहरूले बताएका छन्।

ती राज्यका सहरी क्षेत्रमा वर्षा र बाढीले जनजीवनलाई नराम्ररी प्रभावित बनाइदिएका दृश्यहरू सार्वजनिक भएका छन्।

अधिकारीहरूका अनुसार रेल सेवा, अन्य यातायात, स्वास्थ्य सेवा, विद्यालय तथा विद्युत् आपूर्ति अस्तव्यस्त भएका छन्।

बिहीवारयता उत्तर प्रदेशमा मात्रै ९३ जनाको मृत्यु भएको बताइएको छ।
बिहारमा २९ जनाको मृत्यु भएको उक्त राज्यको विपद् व्यवस्थापन निकायले जनाएको छ। बाढीले बिहारको मुख्य सहर पटना पनि प्रभावित भएको छ।