सिंहदरबारमा जलेको एउटा भवन आफूहरू बनाउन तयार रहेको हर्क साम्पाङको भनाई

काठमाडौं, ४ जेठ । श्रम संस्कृति पार्टीका अध्यक्ष हर्क साम्पाङले जेन–जी आन्दोलनमा सिंहदरबारमा जलेको एउटा भवन आफूहरू बनाउन तयार रहेको बताउनु भएको छ । सोमबार प्रतिनिधि सभाको बैठकमा बोल्दै सांसद साम्पाङले श्रमदानबाटै सिंहदरबारभित्रको भवन बनाउने बताउनु भएको हो ।

‘जेन–जी आन्दोलनमा जलेको सिंहदरबार भित्रका भवनमध्ये कुनै एउटा भवनको एउटा सानो हिस्सा श्रम संस्कृति पार्टीलाई बनाउन अनुमति दिनुहोस्। हामी श्रमदान गरेर बनाउने छौँ,’ उहाँले भन्नुभयो ।
प्रतिनिधि सभामा आर्थिक वर्ष २०८३र८४ का लागि विनियोजन विधेयकका सिद्धान्त र प्राथमिकतासम्बन्धी छलफल चलिरहेको छ। त्यही क्रममा उनले सुनसरी लगायत देशका विभिन्न जिल्लाका विकास निर्माणका योजनाका लागि बजेट विनियोजन गर्न माग गरेका छन्।