जनकपुरधाम-६ का वडाध्यक्ष दिनेशप्रसाद साहको निधन : उपमहानगरपालिकाद्वारा शोक बिदा घोषणा

काठमाडौँ, साउन २५ । जनकपुरधाम उपमहानगरपालिका वडा नं. ६ का वडाध्यक्ष दिनेशप्रसाद साहको आज निधन भएको छ । लामो समयदेखि अस्वस्थ रहनुभएका साहको उपचारका क्रममा अस्पतालमा निधन भएको हो ।

उपमहानगरपालिकाका निमित्त प्रमुख प्रशासकीय अधिकृत मेहिलाल यादवले वडाध्यक्ष साहको निधनको पुष्टि गर्दै उहाँको उपचारकै क्रममा मृत्यु भएको जानकारी दिनुभयो ।

वडाध्यक्ष साहको असामयिक निधनमा गहिरो दुःख व्यक्त गर्दै जनकपुरधाम उपमहानगरपालिकाले आज जिल्लाभर शोक बिदा घोषणा गरेको छ । उपमहानगरपालिकाको कार्यालय तथा यस मातहतका सम्पूर्ण निकायहरूमा अत्यावश्यक सेवाबाहेकका अन्य सबै कार्यहरू स्थगित गरी शोक बिदा दिइएको प्रशासकीय अधिकृत यादवले बताउनुभयो । जनप्रतिनिधिका रूपमा स्थानीय विकासमा सक्रिय साहको निधनले जनकपुरधामले एक अनुभवी अभिभावक गुमाएको महसुस गरिएको छ ।