मेस्सी र सुवारेजले जिताए बार्सिलोनालाई, रियाल मड्रिड अताल्लियो

Maitrinews

 

काठमाडौं । स्पेनिश लिग ला लिगा फुटबलको आइतबार रातिको महत्वपूर्ण खेलमा बार्सिलोना विजयी भएको छ । बार्सिलोनाले गेटाफेलाई उसकै मैदानमा २–१ गोल अन्तरले पराजित गर्यो ।
बार्सिलोनाको जितमा लियोनल मेस्सी र लुइस सुवारेजले १–१ गोल गरे । गेटाफेका लागि जाइमे माटाले एक गोल फर्काए ।
जितपछि बार्सिलोनाले १८ औं चरणको सम्पन्न पछि दोस्रो स्थानको एथलेटिको मड्रिडभन्दा पाँच अंकको अग्रता बनाएको छ । सेभिया ३३ अंकबाट तेस्रो स्थानमा छ ।
आइतबार रातिको खेलमा सेभिया र एथलेटिकोले १–१ गोलको बराबरी खेलेका थिए ।

अन्य खेलमा आइबर र भिल्लारियलले गोलरहित बराबरी खेले । हुएस्काले रियाल बेटिसलाई २–१ ले हरायो ।

रियाल मड्रिड भने अताल्लिएको छ । रियाल मड्रिड घरेलु मैदानमा रियाल सोसिडाडसंग २–० ले पराजित भयो ।

विलियन जोस र रुबेन पार्डोले सोसिडाडलाई गोल दिलाए । मड्रिडका लुकास भाज्क्वेजले दोहोरो यलो कार्ड खाएका थिए ।

यो पराजयले रियाल मड्रिड ३० अंकसहित पाँचौं स्थानमा छ ।