नेपाल समूहको भेला गरेर राम्रो गरेन : पोखरेल

maitrinews

 

काठमाडौं । नेकपा एमालेका महासचिव ईश्वर पोखरेलले पार्टीको निर्देशनविपरीत भएका क्रियाकलापलाई गम्भीरतापूर्वक लिएको प्रतिक्रिया दिनुभएको छ ।
पार्टी अध्यक्ष एवं प्रधानमन्त्री केपी शर्मा ओलीले गुट विशेषका सभा नगर्नरनगराउन र त्यस्ता भेलामा सहभागी नहुन निर्देशन दिएको स्मरण गराउँदै उहाँले बुधबार वरिष्ठ नेता माधव नेपाल समूहले भेला गरेपछि यस्तो प्रतिक्रिया दिनुभएको हो । महासचिव पोखरेलले निर्देशनविपरीत भएका भेलालाई पार्टीले गम्भीरताका साथ लिने बताउनुभयो ।

पार्टी अध्यक्षले धुम्बाराहीमा नेताहरुलाई बोलाएर भेला नगर्न र छलफल गर्नुपर्ने कुराहरुलाई ७ गतेको बैठकमा राख्न अनुरोध गर्नुको साथै चियापानमा सहभागी हुन गरेको आग्रहलाई नमानेर राम्रो नगरेको उहाँको भनाइ थियो । उहाँले भन्नुभयो,‘अहिले जुन किसिमको भेला भयो । त्यो निर्देशनको विपरीत भेला भएको छ । आज र भोलि आयोजना भएको यो कार्यक्रमबारेमा गम्भीरताका साथमा नोट गरिन्छ ।‘