सुनको मूल्य हालसम्मकै उच्च

काठमाडौँ, २५ जेठ । सुनको मूल्य हालसम्मकै उच्च विन्दुमा पुगेकाे छ । स्थानीय बजारमा शुक्रबार सुनको मूल्य प्रतितोला रु एक लाख ४५ हजार निर्धारण भएको हाे ।

छापावाला सुनको मूल्य बिहीबार रु एक लाख ४४ हजारमा कारोबार भएको थियाे । यस्तै, तेजाबी सुन बिहीबार तोलामा रु एक लाख ४३ हजार तीन सयमा कारोबार भएकामा आजका लागि रु एक लाख ४४ हजार तीन सय निर्धारण भएको छ ।

चाँदीको मूल्य भने तोलामा रु ५० ले वृद्धि भएको छ । बिहीबार प्रतितोला रु एक हजार आठ सय ५० मा कारोबार भएको चाँदी आजका लागि भने रु एक हजार नौ सय निर्धारण भएको छ ।