करण परियार बने नेपाल आइडल सिजन ५ को विजेता

काठमाडौं, ९ असार । करण परियार गायन रियालिटी शो नेपाल आइडल सिजन ५ को विजेता बन्नुभएका छन् ।

बर्दियाका करण परियारले शनिबार राति नेपाल आइडलको स्टुडियोमा भएको ग्रान्ड फिनालेमा अन्य फाइनलिस्टहरु लाई पछि पार्दै विजेता बन्नुभएकाे हाे । उपाधि जितेसँगै उहाँले ट्रफीसहित २५ लाख रुपैयाँ नगद र अन्य पुरस्कार प्राप्त गर्नुभएकाे छ ।

प्रतियोगितामा पोखराकी सलोमी गुरुङ फस्ट रनरअप बन्नुभएकाे छ। उहाँले ट्रफीसहित नगद १० लाख पुरस्कार प्राप्त गर्नुभएकाे छ । यस्तै दार्जिलिङका सचिन विश्वकर्मा सेकेन्ड रनरअप बन्नुभएकाे छ । उहाँले नगद ५ लाख रुपैयाँ प्राप्त गु्नुभयाे । दार्जिलिङकै अर्का मोहित भुजेल थर्ड रनरअप हुनुभयाे । उहाँले पुरस्कारमा स्कुटर प्राप्त गर्नुभएकाे छ ।

चार महिनादेखि जारी नेपाल आइडल सिजन ५ को विजेता दर्शकको भोटको आधारमा गरिएको हो । नेपाल आइडलका निर्णायकहरु न्ह्यू बज्राचार्य, इन्दिरा जोशी र कालीप्रसाद बाँस्काेटा रहनुभएकाे थियाे। शोलाई रीमा विश्वकर्मा र आसिफ शाहले होस्ट गर्नुभएकाे थियाे । नेपाल आइडललाई एपीवान टेलिभिजनले निर्माण गर्दै आएको छ ।